UNIVERSITIES & RESEARCH CENTERS IN DEFENCE OF CIVIL RIGHTS & DEMOCRACY
Given the political scenario in Catalonia, the silence of the academic community is not an option.
An Academic Manifesto in defence of the civil rights and democracy was
presented by Universities and Research Centers, in accordance with those
approved in Catalan Universities.
The academic community from all over the world is invited to sign the Academic Manifesto #UniversityNoSilence
Read the manifesto in: Basque, Catalan, Chinese, French, Portuguese, Russian, German, Italian, Occitan, Spanish
SIGN THE MANIFESTO
More information about the Catalan scenarioManifestu Acadèmicu in Defensa de sos Deretos Tziviles in Catalugna
De acordu cun
sa Decraratzione
subra s’educatzione
superiore e sa cultura democràtica: tzitadinàntzia, deretos umanos
e responsabilidade tzivile de
su Cussìgiu de
Europa (Istrasburgu, 2006):
“Afirmamus su
cumpromissu nostru cun sa
pràtica e sos
printzìpios democràticos.
Atzetamus sa
responsabilidade nostra de salvaguardare sa democratzia e promòvere
una cultura democràtica, amparende e promovende, tantu in
s’educatzione
superiore comente in sa sotziedade in generale, sos printzìpios de:
-
Istruturas, pràticas e protzessos democràticos e responsàbiles
-
Tzitadinàntzia democràtica ativa
-
Deretos umanos, rispetu mùtuu e giustìtzia sotziale
-
Sustenibilidade ambientale e sotziale
-
Diàlogu e risolutzione
patzìfica de sos cunflitos”,
Nois, sa comunidade acadèmica,
cunsideramus chi sa violatzione
repìtida de sos deretos tziviles in Catalugna minetzat sas bases de
sa democratzia in custu paisu. Sos signos de involutzione
democràtica, comente sa violèntzia fata s’1 de santugaine contra
persones chi cheriant votare, divenint cada borta prus evidentes.
Diversos atuamentos de sa magistratura e de
su Guvernu ispagnolos, comente s’arrestu e sa persecutzione
de ativistas sotziales e membros de su Guvernu e su Parlamentu de
Catalugna seberados in manera democràtica, ponent in crisi sa
separatzione de poderes, chi est unu de sos pilastros in ue
si basat s’istadu de deretu.
Sa democratzia si basat in su
reconnoschimentu e sa defensa de unos deretos fundamentales
inalienàbiles, intre sos cales su de espressare in
pùblicu
su dissensu. Sa
giuditzializatzione de
sa polìtica, sa violèntzia e sa repressione sunt istadas sa
risposta de s’Istadu ispagnolu a sas dimandas de sos catalanos,
imbetzes de su diàlogu netzessàriu pro cale si siat negotziatzione.
Assistimus aici a una sèrie
de atziones de sos poderes istitutzionales de s’Istadu ispagnolu
impròprias de
un’istadu democràticu e chi fertzint
printzìpios fundamentales de su deretu internatzionale.
In antis a sa gravidade de custa
situatzione, sa mudesa de sa comunidade acadèmica no est unu sèberu.
Pro custas resones, decraramus chi:
-
Su recùperu de sa seguridade giurìdica est netzessària e non podimus atzetare chi sas detzisiones de sos poderes pùblicos siant arbitràrias.
-
Est netzessàriu chi sos deretos fundamentales de espressione, reunione, manifestatzione e partetzipatzione polìtica siant rispetados.
-
Salvaguardare sos deretos e sas libertades est possìbile petzi recuperende sos impreos democràticos e isorvende in s’àmbitu polìticu sos problemas polìticos.